Një anije me 39 refugjatë sirianë u fundosur në brigjet e Libanit ndërsa lundroi ilegalisht për në Qipro të shtunën dhe shumica u shpëtuan nga ushtria libaneze, por një djalë pesëvjeçar u mbyt, thanë burimet e sigurisë.
Ushtria ka thënë se në bordin e anijes në mesin e tyre ishin refugjatë Sirinë e palestinezë, por edhe shtetas të Libanit.
Ata thanë se ishte hera e parë në pothuajse një vit që një grup refugjatësh ishin përpjekur të vinin në Evropë me anije nga Libani, ku refugjatët sirianë përbënin rreth një të katërtën e popullsisë.
Qiproja është rreth 180 km nga brigjet e Libanit verior. Rreth 5 persona në barkë ishin në gjendje të rëndë dhe janë dërguar në spital, thanë burimet.
Agjencia e OKB-së për refugjatë UNHCR thotë se ka rreth 1 milion refugjatë sirianë të regjistruar në Liban. Qeveria libaneze e thekson se numri arinë në 1.5 milionë.
Ndërsa forcat siriane dhe aleatët e tyre kanë rimarrë më shumë territore në Siri, presidenti i Libanit dhe politikanët e tjerë kanë bërë thirrje për refugjatët që të kthehen në zona ku mbaron lufta përpara se të arrihet një marrëveshje për t'i dhënë fund luftës civile.
Disa refugjatë janë kthyer në Siri në muajt e fundit në atë që autoritetet libaneze e kanë përshkruar si kthime vullnetare të koordinuara me qeverinë siriane.
Por komisioneri i lartë i OKB-së për refugjatët Filippo Grandi tha gjatë një vizite në Bejrut muajin e kaluar se refugjatët ishin të shqetësuar rreth çështjeve duke përfshirë mungesën e infrastrukturës dhe frikën e ndëshkimit dhe rekrutimit ushtarak.
Për shumë persona që vendosin të kthehen, tha ai, duhet të krijohen më shumë besueshmëri duke adresuar këto çështje dhe UNHCR duhet të ketë një prani në fushat e kthimit, sipas një deklarate në faqen e internetit të UNHCR-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
