Në përfundim të mandatit qeverisës, kancelarja Angela Merkel do të mbledhë krerët e qeverive të gjashtë vendeve të Ballkanit Perëndimor në Tiranë më 14 shtator.
Turi i saj në Ballkan nis me një vizitë në Beograd. Siç njofton zëdhënësja e qeverisë gjermane, Martina Fietz, të cilës i referohet DW, kancelarja do të takojë në Beograd edhe përfaqësues të shoqërisë civile nga gjashtë vendet e Ballkanit Perëndimor. Ndërsa në Tiranë, përveç kryeministrit të Shqipërisë, Edi Rama, ajo do të takojë në biseda dypalëshe edhe krerët e qeverive të Bosnje-Hercegovinës, Kosovës, Malit të Zi dhe Maqedonisë së Veriut.
Tema kryesore e diskutimit me krerët e qeverive të Ballkanit Perëndimor pritet të jetë tregu i përbashkët rajonal. Vizita e Merkel vjen vetëm pak ditë pas nismës Ballkani i Hapur, iniciatorë të së cilës janë kryeministri shqiptar Edi Rama, ai i Maqedonisë së Veriut, Zoran Zaev dhe presidenti serb, Aleksander Vuçiç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
