Reshjet e dendura të shiut kanë shkaktuar sërish probleme në vend, pasi lumi Vjosë ka dalë nga shtrati.
Aktualisht, niveli i ujit ka arritur kuotën 7.45 metra, duke shënuar nivelin maksimal deri tani.
Dalja nga shtrati është konstatuar në zonën e Urës së Mifolit, ku për pasojë është përmbytur tregu i zonës. Ndërkohë, prurjet vijojnë me intensitet të lartë, ndërsa në zonën e Memaliajt niveli i lumit ka shkuar në 7 metra.
Situata paraqitet alarmante, pasi në orët në vijim pritet që niveli i lumit Vjosë të vijojë rritjen, duke arritur nga 8.5 deri në 9 metra.
Autoritetet janë në monitorim të vazhdueshëm të situatës, ndërsa banorët që jetojnë pranë shtratit të lumit janë vënë në gatishmëri për marrjen e masave parandaluese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
