Dhjetëra të rinj beqarë u mblodhën këtë javë për të takuar partnerë të mundshëm martese në qytetin lindor të Pakistanit, Lahore, përpjekja e parë nga një aplikacion bashkëshortor me bazë në Mbretërinë e Bashkuar, për të ndihmuar njerëzit që të gjejnë bashkëshortë personalisht në vendin konservator islamik.
Në mënyrë tradicionale, martesat në Pakistan rregullohen nga prindërit që kërkojnë kombinime të përshtatshme për fëmijët brenda komuniteteve të tyre ose nga familja e gjerë.
Aplikacionet e takimeve janë përgjithësisht të stigmatizuara dhe ndarja gjinore në shoqëri dhe në punë mbetet e zakonshme në vendin me 240 milionë banorë.
Eventi në Lahore u organizua nga Muzz, dikur Muzzmatch, i cili thotë se aplikacioni i tij bazohet në etikën islame.
Aplikacioni është i kufizuar për përdoruesit myslimanë dhe në shenjë të vlerave tradicionale, jep mundësinë e turbullimit të fotografive, dhe lejon vizitorët të mbikëqyrin takimet.
Pavarësisht kritikave në internet në të kaluarën për aplikacionin, eventi Muzz u ndoq nga rreth 100 persona.
Aimen, një grua 31-vjeçare, tha se e përdori aplikacionin me rekomandimin e vëllait të saj me që jeton SHBA.
“E kam përdorur aplikacionin për dy javë, por më pas pashë një reklamë për këtë takim dhe mendova, pse të mos takohem personalisht me njerëz?” tha ajo për Reuters.
Muzz, i prezantuar në vitin 2015 në Britani, e cila gjithashtu ka një popullsi të konsiderueshme myslimane, ka mbi 1.5 milion përdorues në Pakistan, tregu i tij i dytë më i madh pas Marokut.
Moaz, një burrë 27-vjeçar, tha se ai ka përdorur Muzz për një vit dhe shpresonte të gjente një grua përmes aplikacionit.
Annie’s Matchmaking Party, një tjetër ngjarje e Lahores javën e kaluar, përdori një algoritëm për të përputhur 20 profesionistë të rinj pas një procesi përzgjedhjeje dhe i ftoi ata në takim.
Noor ul Ain Choudhary, organizatorja 30-vjeçare, u përball me kritika në internet se organizimi i saj promovoi një “kulturë lidhjeje”. Ajo kundërshtoi duke thënë se synonte të siguronte një hapësirë të sigurt për beqarët për t’u takuar dhe lidhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
