Në prag të fushatës elektorale për zgjedhjet e 14 majit në Shqipëri, i dërguari i posaçëm i ShBA-së per Ballkanin Perëndimor, Gabriel Escobar do ta vizitojë Tiranën.
Escobar do të zhvillojë një vizitë dy ditore në vend.
Ndërkohë, bëhet me dije se i dërguari special i Shteteve të Bashkuara të Amerikes do të zhvillojë një takim me presidentin e vendit, Bajram Begaj më pas edhe me kryministrin Edi Rama dhe kreun e PR-së, Ilir Meta.
Gjithashtu, Escobar pritet që të takohet me kreun e komanduar të Partisë Demokratike Enkelejd Alibeaj dhe deputetët Gazment Bardhi e Jorida Tabaku.
Ai nuk do të ketë asnjë takim me Sali Berishën, të cilin ShBA-ja e ka shpallur non-grata.
Takimi i Escobar me kryeministrin Edi Rama pritet të zhvillohet rreth orës 16:00, ndërsa në orën 17:00 do të pritet në takim nga presidenti Begaj.
Hera e fundit që Escobar vizitoi Tiranën ishte në prillin e vitit të kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
