Stephen Barclay është emëruar Sekretari i ri për Brexit në Mbretërinë e Bashkuar, teksa kryeministrja britanike, Theresa May synon të plotësojë të gjitha kërkesat në kabinetin e saj.
Deputeti për ‘North East Cambridgeshire’ dhe mbështetës i “Leave” kishte shërbyer si ministër në departamentin e Kujdesit Shëndetësor dhe Social, raporton BBC.
Ai zëvendëson, Dominic Raab, i cili dha dorëheqjen të enjten mbi marrëveshjen e tërheqjes së Theresa May, për Brexit.
Zëdhënësi i kryeminstres ka thënë se Barclay do të vazhdojë përgatitjet për marrëveshje apo jo rreth Brexitit në pozitën e tij të re.
Ky njoftim ka ardhur pasi Amber Rudd është emëruar në pozitën e re si Sekretare për Punë dhe Pensione, duke zëvendësuar Esther McVey, e cila po ashtu është dorëhequr pas prezantimit të planeve të kryeministres May për Brexit.
Barclay është personi i tretë që emërohet në pozitën e Sekretarit për Brexit prej kur është krijuar kjo pozitë, meqë Raab dhe David Davis, kanë dhënë dorëheqje pas publikimit të strategjisë së May për Brexit në periudha të ndryshme.
Kabineti i kryeministres May ka arritur një marrëveshje për planin e saj fillestar për Brexit.
Pas arritjes së gjuhës së përbashkët, shumë deputetë kanë kërkuar për organizimin e një votëbesimi për May, mirëpo megjithatë ajo ka thënë se do të vazhdojë punën e saj sepse beson se plani i saj është më i miri për interesin kombëtar të Britanisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
