Brazilianët shijojnë dëborën e Dardhës/ Turistët: Vijmë çdo vit, dimri këtu është special

Turistë nga Shqipëria e deri në Brazil zgjodhën si destinacion fshatin turistik të Dardhës në Korçë për të shijuar dëborën e parë të këtij fundviti.

Të shumtë ishin vizitorët që iu drejtuan fshatit të largët juglindor, edhe jo vetëm edhe Voskopojës e Vithkuqit për të shijuar momentet e para të dimrit të këtij viti.

Vijnë nga një vend i nxehtë si Brazili, por vit për vit bëjnë mijëra kilometra për të shijuar dëborën e Dardhës, që e konsiderojnë një vend që të lë pa fjalë.

Sipas informacioneve nga operatorët turistikë në Korçë, fundjava mbushi plotësisht ambientet akomoduese, ndërsa dëbora e rënë gjatë mëngjesit të së shtunës nuk krijoi bllokime në qarkullim apo problematika për drejtuesit e automjeteve.