Të shtëna me armë zjarri janë regjistruar mesditën e sotme në një lokal në Shëngjin.
Korrespondenti i MCN TV bën me dije se për pasojë është vrarë një person, i identifikuar si Ardjan Nikulaj (Marku).
Ky i fundit ka qenë biznesmen dhe kandidat për këshillin bashkiak me PSD-në për zgjedhjet lokale të 14 majit.
Në zgjedhjet e 2021-t ai ka qenë kandidat për deputet me siglën e Partisë Social Demokrate (PSD).
Në formularin e dekriminalizimit që Ardian Nikulaj ka depozituar në KQZ, vihet re që ai ka ndryshuar gjeneralitetet nga Ardian Marku që e ka pasur më parë, në Ardian Nikulaj.
Në vitin 2003, Ardian Nikulaj është dënuar për veprën penale të armëmbajtjes paleje dhe prodhimit të armëve, ku ka vuajtur 4 muaj burg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
