Një situatë e pazakontë paraqitet në qarkun e Vlorës, si pasojë e reshjeve të dendura të shiut që kanë rënë gjatë ditës së sotme. Si pasojë kanë rreshqitur një sasi dherash duke bllokuar aksin Vlorë-Orikum.
Pamjet e mëposhtme tregojnë situatën e vështirë të krijuar në këtë aks, ndërsa mjetet kanë mbetur të bllokuara.
Në rrugën në afërsi të “Jonufrës” ka prezentë të lartë të baltës, duke e bërë totalisht të pakalueshme për mjetet. Në këtë aks kanë shkuar forcat e policisë, për të mbajtur nën kontroll qarkullimin e mjeteve.
“Policia Rrugore e Vlorës, kërkon mirëkuptimin e drejtuesve të mjeteve që të shmangin sa është e mundur lëvizjen në këtë aks rrugor, ndërkohë që kontraktorët po punojnë për zhbllokimim e rrugës dhe kthimin në normalitet të lëvizjes së mjeteve”, thuhet në njoftimin e policisë.
Ndërkohë, për situatën prefekti i Vlorës Flamur Mamaj është shprehur se grupet e punës ndodhen në terren për të normalizuar situatën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
