"Hashim Thaçit i ka humbur rruga në oborr dhe veprimet e tij nuk janë të rastësishme", thotë deputeti Zafir Berisha, teksa komenton nderimet e presidentit Thaçi në varrezat e serbëve të vrarë gjatë luftës së fundit në Kosovë.
“Veprimet e tij kanë të bëjnë me barazimet e luftës çlirimtare dhe luftës gjenocidale që ka bërë Serbia ndaj Kosovës. Sjelljet dhe përkuljet që i bën kohët e fundit, kanë prapavijë, dhe prapavija e tyre mendoj që është në veprimet e ardhshme që mund t’i ndërmarrë Gjykata Speciale që është themeluar në bashkëpunim me Thaçin për ta dënuar Ushtrinë Çlirimtare të Kosovës dhe për ta bërë barazimin me luftën okupuese të Serbisë”, ka deklaruar Berisha në në emisionin “Kontakt”, në Tribuna Channel.
“Ne mund të shprehim keqardhje për çdo viktimë që ka ndodhur gjatë luftës në Kosovë, por jo në formën siç është duke e bërë ky president”, ka shtuar ai. “Vizitat dhe përkuljet e tij kanë prapavijë të dyshimtë”. / Zëri /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
