TIA njoftim për pasagjerët: Tamponi PCR mund të kryhet në aeroport, antigeni jo

Tirana International Airport ka dhënë një njoftim të rëndësishëm për të gjithë ata persona që planifikojnë të udhëtojnë nga ky aeroport.

Në njoftimin e saj TIA informon të gjithë pasagjerët se tamponin PCR mund ta bëjnë edhe në aeroportin e Rinasit para udhëtimit, ndërkohë që testi antigen nuk kryhet aty.

Disa vende të BE kanë hequr kufizimet për Shqipërinë dhe duke zbatuar masat, qytetarët e vendit tonë mund të udhëtojnë me avion nga Rinasi.

Në vëmendje të pasagjerëve që janë të interesuar për të kryer tamponin PCR para udhëtimit, risjellim në kujdesin e vëmendjes suaj, që tamponi PCR mund të kryhet në aeroport dhe në çdo institucion tjetër të licensuar mjekësor. Antigeni, testi tjetër nuk kryhet në aeroport.

Ju falenderojmë për bashkëpunimin, Tirana International Airport