Zelensky: Flamuri ukrainas do të valëvitet sërish në të gjitha zonat e pushtuara

Presidenti ukrainas Volodymyr Zelensky është zotuar se flamuri ukrainas do të valëvitet sërish në të gjitha zonat e pushtuara të Ukrainës.

Sot do të doja të flisja jo vetëm për të kaluarën e flamurit tonë, por edhe për të ardhmen e tij.

Flamuri blu dhe i verdhë do të valëvitet përsëri në shtëpinë e tij, ku supozohet të jetë me të drejtë, në të gjitha qytetet dhe fshatrat e okupuara përkohësisht të Ukrainës.

Kjo deklaratë vjen një ditë përpara ditës së pavarësisë së vendit, e cila do të shënojë 31 vjet që kur Ukraina prishi lidhjet e saj me Bashkimin Sovjetik.

Ngjarjet për të shënuar këtë ditë janë ndaluar në Kiev pasi zyrtarët paralajmërojnë se Rusia mund të kryejë sulme me raketa kundër kryeqytetit ukrainas. 

Në qytetin e Kharkiv-it, autoritetet kanë shpallur një shtetrrethim nga ora 19:00 në prag të Ditës së Pavarësisë deri në orën 7 të mëngjesit të së nesërmes.

E mërkura shënon gjithashtu gjashtë muaj nga fillimi i pushtimit rus të Ukrainës më 24 shkurt.