Macron: Konflikti në Ukrainë ndryshon epokën, Evropa duhet të jetë më e pavarur!

Presidenti francez Emmanuel Macron ka deklaruar Evropa duhet të bëhet më e pavarur në mbrojtje dhe në sigurimin e furnizimeve me energji pas pushtimit rus të Ukrainës.

Presidenti francez tha se konflikti në Ukrainë ka ndryshuar epokën në të gjithë kontinentin, duke shtuar se do të thërrasë një samit të liderëve evropianë javën e ardhshme për të diskutuar se si të trajtohej sfida e paprecedentë.

Në një fjalim 14-minutësh në televizionin kryesor, ai paralajmëroi Francën se do të përballej me kaos dhe çmime më të larta dhe se vendi dhe partnerët e tij evropianë nuk heqin varësinë nga gazi rus dhe nuk adresojnë si duhet mbrojtjen.

Ne nuk mund të mbështetemi më tek të tjerët që të na ushqejnë, të kujdesen për ne, të na informojnë, të na financojnë”, tha Macron. “Ne nuk mund të varemi nga të tjerët për të na mbrojtur, qoftë në tokë, në det, nën det, në ajër, në hapësirë ​​apo në hapësirën kibernetike. Në këtë drejtim, mbrojtja jonë evropiane duhet të bëjë një hap të ri përpara”.

Macron shtoi:

Lufta në Evropë nuk është më në librat tanë të historisë apo librat shkollorë, ajo është këtu, para syve tanë. Demokracia nuk konsiderohet më një sistem i padiskutueshëm, ajo vihet në pikëpyetje, para syve tanë”