Bosnja do të përfitojë plot 314.9 milionë euro nga Komisioni Europian, për investime të reja në kuadër të integrimin në Bashkimin Europian. Dokumenti Strategjik Indikativ i Rishikuar për Bosnje dhe Herzegovinën vlen për periudhën 2014-2020.
Dokumenti strategjik është përditësuar duke marrë parasysh zhvillimet më të rëndësishme drejt procesit të integrimit në BE dhe rezultatet e arritura deri tani në fushat e ndryshme të ndërhyrjes. Si rezultat i rishikimit, Dokumenti Strategjik Indikativ për Bosnje dhe Herzegovinën është zgjatur deri në vitin 2020, pasi fondi i mëparshëm mbulonte vetëm periudhën deri në vitin 2017.
Për më tepër, duke marrë parasysh progresin e bërë që nga viti 2014 në zhvillimin e strategjive mbarëkombëtare në sektorët kryesorë me përparësi, Dokumenti Strategjik i Rishikuar Strategjik përfshin sektorë të rinj për mbështetjen IPA II për Bosnje dhe Herzegovinën si bujqësia dhe zhvillimi rural, mjedisi dhe energjia.
Por nga ana tjetër, për periudhën 2018-2020, Bosnja dhe Hercegovina do të përfitojnë nga ndihma IPA II për zbatimin e reformës së administratës publike, duke përfshirë menaxhimin financiar publik.
Mbështetja në sektorin e sundimit të ligjit do të përmirësojë më tej qasjen në drejtësi për të gjithë qytetarët dhe do të përmirësojë koordinimin dhe kapacitetin për menaxhimin e kufirit, luftën kundër korrupsionit dhe krimit të organizuar.
Asistenca IPA II do të mbështesë reformat e mëtejshme për të siguruar mbrojtjen e të drejtave themelore, në veçanti të grupeve më të prekshme, përfshirë romët dhe refugjatët dhe personat e zhvendosur brenda vendit. Për më tepër, IPA do të vazhdojë të mbështesë reformat në sektorin e arsimit, punësimit dhe sociale duke u fokusuar në reformën e punës dhe institucioneve të punësimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
