Është mbajtur sot në GJKKO seanca e radhës mes Vilma Nushit dhe Albana Vokshit, ku biznesmenja ka paditur për shpifje deputeten e PD-së. Gazetari Arsen Rusta raporton seanca është ndërprerë pasi është administruar një provë e re. Albana Vokshi bën me dije se SPAK e ka njoftuar se kallëzimi i saj për koncesionin e Check Up-it është regjistruar dhe po kryhen hetime ndaj Vilma Nushit dhe disa personave të tjerë. Seanca e radhës do të mbahet më 3 korrik.
“Do të duhej të ishte një seancë vijuese, por është ndërprerë, për shkak se është administruar një provë e re. Albana Vokshi në cilësinë e deputetes dhe ish-kryetares së Komisionit Hetimor për Check Up-in deklaron se Vilma Nushi e ka paditur thjesht për t’i mbyllur gojën, duke i bërë një proces politik shantazhues.
Deputetja ka thënë pse më ka paditur vetëm mua dhe jo anëtarët e tjerë të komisionit, por sipas saj gjithçka është e qëllimshme pasi komandohet nga kryeministri Rama. Ajo ka nxjerrë një dokument ditën e sotme, ku në 12 maj 2025 ka marrë një përgjigje nga SPAK, ku thuhet se pas kallëzimit të bërë në 2020 nga Albana Vokshi, kallëzimi i saj është regjistruar dhe po kryhen hetime ndaj disa personave, mes të cilëve edhe Vilma Nushi që ka marrë koncesionin e Check Up-it.
Në 3 korrik do të jetë seanca e radhës ku do vlerësohet nëse ka apo jo elementë të veprës penale shpifje të Vokshit ndaj Nushit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
