Viti i ri akademik ka sjellë një lëndë të re studimi në Krimenë e pushtuar. Nga e premtja, dita e parë e shkollës, të gjithë nxënësve të gadishullit ukrainas të aneksuar nga Rusia në vitin 2014 do t’u kërkohet që të ndjekin kursin “Bazat e trajnimit ushtarak”.
Një lajm i tillë raportohet nga Kiev Independent, e cila citon Komisionerin për të Drejtat e Njeriut të Parlamentit të Ukrainës, Dmytro Lubinets.
Të paktën 25 mësues të Krimesë kanë ndjekur kurse në disiplinën ushtarake, mjekësinë taktike, montimin dhe çmontimin e armëve të zjarrit, organizimin e kampit, trajtimin e pajisjeve mbrojtëse personale, si dhe mbrojtjen radiologjike, kimike dhe biologjike.
Kursi i ri është i detyrueshëm për të gjithë studentët nga viti i pestë deri në të nëntin, ndërsa ata të vitit të 10-të do të duhet të ndjekin kursin “Bazat e gatishmërisë ushtarake”.
Programi i fundit, shpjegoi Lubinets, përfshin jo vetëm ushtrime praktike dhe udhëzime në aftësitë thelbësore ushtarake, por edhe mësime mbi “mundësitë e karrierës” që lidhen me shërbimin ushtarak, siç përshkruhet në tekstet zyrtare dhe udhëzuesit e mësuesve të disponueshëm në internet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
