Një azil i misionarëve katolikë është bërë pre e një sulmi në Montpellier të Francës. Një murgeshë është vrarë nga një person i paidentifikuar që kreu sulmin dhe u largua menjëherë. “Një individ i armatosur me thikë dhe automatik është future në zilin ku stregohen 70 misionarë”, i ka thënë AFP-së një burim në vendngjarje.
Autoritetet lokale konfirmuan vrasjen e misionares që drejtonte azilin. Ajo është qëlluar me thikë në momentin që ka dhënë alarmin.
Nuk dihen ende shkaqet e kësaj ngjarjeje, por policia nuk ka përjashtuar pistën e terrorizmit.
Franca mbetet në gjendje emergjence që prej sulmit të nëntorit të kaluar në Paris, ku u vranë 130 njerëz. Shumë prej planeve për sulme të kësaj natyre janë zbuluar, përfshirë edhe ato të Shtetit Islamik për të sulmuar Disneylandin në Paris apo Champs Elysees.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
