32-vjeçari Arben Mema që terrorizoi një ditë më parë qytetarët në sheshin “Skënderbej”, pasi theu barrierat e u drejtua me shpejtësi për t’i përplasur, do të akuzohet për tre vepra penale.
Mema akuzohet për tentativë vrasje në rrethana cilësuese, prodhim dhe shitje narkotikësh dhe drejtim të automjetit në mënyrë të parregullt.
Sipas raportimeve, testi i alkoolit që iu nënshtrua rezultoi zero, ndërsa akoma nuk ka dalë përgjigja e analizës në gjak për të parë se sa ka qenë % e lëndës narkotike që ka konsumuar.
Nga kontrolli që është bërë në banesën e 32-vjeçarit të arrestuar nuk është gjetur asnjë gjë e jashtëligjshme, ndërsa vetëm gjatë kontrollit që iu bë në momentin e arrestimit iu gjetën disa doza lënde narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
