Numri i rasteve pozitive nga Covid-19 i regjistruar zyrtarisht në botë që nga fillimi i pandemisë ka tejkaluar 90 milion, nga të cilët 49.9 milion persona u shëruan.
Universiteti Amerikan Johns Hopkins raporton gjithashtu 1.93 milion vdekje totale si pasojë e infektimit me koronavirus.
Shtetet e Bashkuara mbeten vendi më i prekur në botë nga Covid-19, me 22.3 milion infeksione dhe 373,000 vdekje duke u ndjekur nga India dhe Brazili.
Numri i përgjithshëm i infeksioneve në nivelin kombëtar rritet në 22,406,747 me të paktën 374,322 njerëz të vdekur.
Kina ka regjistruar 103 raste të reja të Covid-19 ditën e djeshme, duke shënuar rritje me tre shifra për herë të parë në më shumë se pesë muaj. Sipas mediave vendase të paktën gjashtë provinca dhe qytete - Pekini, Jiangsu, Zhejiang, Tianjin, Hubei dhe Hunan kanë dërguar ekipe mjekësh dhe ekspertësh për t'u marrë me shpërthimin në Hebei, kryesisht duke iu referuar kryeqytetit Shijiazhuang dhe qytetit Xingtai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
