Ish-kreu i Autoritetit Rrugor Shqiptar, Dashamir Xhika, është rikthyer në burg.
Arrestimi i tij është bërë në zbatim të një vendimi të Gjykatës së Apelit, i cili mban datën e sotme.
Apeli ka vendosur ndryshimin e masës së sigurisë nga "Arrest në shtëpi", në “Arrest me burg” për 47-vjeçarin Xhika, ish-drejtor i Autoritetit Rrugor Shqiptar.
Xhika është nën hetim i dyshuar për konsumim të veprave penale të “Korrupsion pasiv i funksionarëve të lartë shtetërorë” dhe “Shpërdorim detyre” të parashikuara.
Ai u arrestua më 2 shkurt të këtij vit me akuzën për korrupsion dhe shpërdorim detyre.
Xhika dhe 2 ish-vartësit e tij Albens Alite dhe Aksel Qorduku akuzohen per abuzime ne ndërtimin e rrugës Tiranë-Elbasan, çka i ka shkaktuar shtetit një dëm në masën 54 milionë dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
