Nënkryetari i LSI-së, Luan Rama, doli paramediave për të denoncuar një incident të ndodhur në Shëngjin. Ai akuzoi direkt Partinë Socialiste për bashkëpunim me krimin në rastin e plagosjes së aktivistit të LSI-së, Florian Dushku.
“Një ngjarje e rëndë kriminale në qarkun e Lezhës. Një anëtar i LSI-së është qëlluar nga 3 njerëz të armatosur në përbërje të një grupi kriminal të njohur të Rilindjes dhe nën mbrojtjen e strukturave kriminale të Policisë së Shtetit në atë qark. I plagosuri është Florian Dushku, ka qenë në punën e vet. Është rasti i tretë në Lezhë që aktivistë të LSI plagosen nga e njëjta bërthamë kriminale që vepron atje. Për çdo pikë gjaku të qytetarëve të derdhur në Lezhe, përgjegjësia bie mbi kryeministrin dhe kreun e policisë, Haki Çako”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
