Ministri i jashtëm i Koresë së Veriut thotë se pozita e Phenianit nuk do të ndryshojë edhe nëse SHBA kërkon bisedime të mëtejshme.
Ri Yong Ho ishte duke folur pas Samitit të Vietnamit mes presidentit të SHBA Donald Trump dhe udhëheqësit të Koresë së Veriut Kim Jong-un që përfundoi pa marrëveshje.
Trump tha se Shtetet e Bashkuara kishin refuzuar kërkesat për heqjen e të gjitha sanksioneve.
Por në një konferencë shtypi Ri këmbënguli se Veriu i kishte kërkuar vetëm lehtësime të pjesshme të sanksioneve, e jo një heqje të plotë.
Ai tha se vendi i tij kishte bërë propozime "realiste" duke përfshirë dekomisionimin e plotë të qendrës kërkimore bërthamore Yongbyon, nën vëzhgimin e vëzhguesve të SHBA, shkruan BBC.
"Ky propozim ishte masa më e madhe e denuklearizimit që ne mund të merrnim në fazën e tanishme, duke marrë parasysh nivelin aktual të besimit midis DPRK [Koresë së Veriut] dhe Shteteve të Bashkuara," tha ai.
Në kthim, Ri tha se, Veriu kishte kërkuar vetëm heqjen e pjesshme të sanksioneve "që pengojnë ekonominë civile dhe jetesën e popullit tonë".
Ai tha se Pyongyang kishte ofruar gjithashtu ndalimin e përhershëm të testimit të raketave bërthamore dhe me rreze të gjatë. Ai shtoi se mund të jetë e vështirë të shihet një mundësi përsëri si samiti i Hanoi.
"Qëndrimi ynë kryesor do të mbetet i pandryshueshëm dhe propozimet tona nuk do të ndryshojnë kurrë, edhe nëse Shtetet e Bashkuara propozojnë negociatat përsëri në të ardhmen", u tha gazetarëve Ri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
