Buxheti i Ministrisë së Arsimit për vitin 2027 parashikohet të arrijë në 67.95 miliardë lekë, me një rritje prej 4.8% krahasuar me vitin e kaluar, por sipas përfaqësuesve të fushës, kjo shifër është e pamjaftueshme.
Drejtuesja e departamentit të arsimit në Partinë Demokratike, Lili Sula deklaroi për “MCN Live” se sistemi arsimor për vitin 2027 do të financohet më pak se viti që jemi.
Ndërsa presidentja e Sindikatës së Bashkuar të Arsimit Shqiptar, Alma Lama ngriti shqetësimin për mungesën e mbështetjes ndaj mësuesve, si rritja e pagës, mungesa e shpërblimit të fundvitit apo paga e 13-të.
Nga ana e tij pedagogu Erjon Selmani tha se shuma e vendosur në dispozicion të arsimit nuk auditohet.
Sula
Të dhënat tregojë se arsimi për vitin 2027 do të financohet më ulët se sa në vlerat e 2026. Gjithë sistemi arsimor mori 3.26% nga PBB, ndërsa për vitin tjetër parashikohet të financohet 3.19% nga PBB.
Proporcioni nuk bëhet në raport me sa milionë euro shtohen në këtë buxhet, por sa nga totali do i japë arsimit, shëndetësisë e kështu me radhë. Kryeministri nuk e do dijen dhe jetën universitare, investon më shumë në gjoba dhe në kërbaç.
Lama
4.2% më shumë për arsimin duhet të reflektohet në paga. Indeksimi i inflacionit nuk është bërë. Shpërblimi i fundvitit nuk është bërë prej 15 vitesh.
Paga e 13-të është një e drejtë e mohuar ndër vite dhe kjo duhet të kthehet. Përveç kësaj duhen investime reale në institucione.
Selmani
A auditohen ndonjëherë këto para? Si shpenzohen këto para, a shkojnë tek objektivi për të cilin hidhen, apo shkojnë për objektiva të tjera?
Shumë familje kanë vështirësi ekonomike për të mbështetur fëmijët gjatë studimit. Qeveria nuk e sheh arsimin si objektiv primar për të krijuar një elitë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
