Kontraceptivët për të gjitha gratë nën 25 vjeç do të jenë falas në Francë nga e shtuna.
Skema, nga e cila mund të përfitojnë tre milionë gra, mbulon pilulën, DIU-të, pilulat kontraceptive dhe metoda të tjera me bazë hormonet steroide.
Kontracepsioni për të miturit ishte tashmë falas në Francë. Disa vende evropiane, duke përfshirë Belgjikën, Gjermaninë, Holandën dhe Norvegjinë, i kanë opsionet kontraceptive falas për adoleshentët.
Në Francë, masa është pjesë e një sërë masash të marra nga qeveria e presidentit Emmanuel Macron për të rritur të drejtat e grave dhe për të zbutur varfërinë e të rinjve.
Në disa vende të zhvilluara, kontracepsioni falas është fituar nga gratë pas dekadash fushatash dhe po sulmohet sërish nga e djathta fetare.
Në Shtetet e Bashkuara, reforma shëndetësore e ish-presidentit Barack Obama, e njohur si Obamacare, u dha shumicës së njerëzve me sigurime shëndetësore akses falas në kontrollin e shtatzënisë.
Por pasardhësi i tij Donald Trump e hoqi masën, duke i lejuar punëdhënësit të zgjedhin të mos ofrojnë mbulim kontracepsioni për arsye fetare – një vendim i lënë në fuqi nga Gjykata e Lartë në vitin 2020.
Qeveria konservatore e Polonisë ka kufizuar gjithashtu shumë aksesin në kontracepsionin e urgjencës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
