“Alibaba” do të ndahet në 6 njësi biznesi

“Alibaba Group” planifikon të ndajë biznesin e tij në gjashtë njësi duke bërë kështu ristrukturimin më të madh të historisë së tij 24-vjeçare.

Gjashtë njësitë janë Cloud Intelligence Group, Taobao Tmall Commerce Group, Local Services Group, Cainiao Smart Logistics Group, Global Digital Commerce Group dhe Digital Media and Entertainment Group,  thuhet në një deklaratë nga gjigandi Hangzhou i themeluar nga Jack Ma..

Secili do të menaxhohet nga CEO i vet dhe bordi i drejtorëve.

Daniel Zhang do të vazhdojë të shërbejë si kryetar dhe CEO i Alibaba Group, i cili do të ndjekë një model të menaxhimit të një kompanie mbajtëse, dhe njëkohësisht do të shërbejë si CEO i Cloud Intelligence Group.

Çdo grup biznesi do të ruajë fleksibilitetin për të mbledhur kapital të jashtëm dhe për të kërkuar një ofertë publike fillestare, me përjashtim të Taobao Tmall Commerce Group që trajton bizneset e tij të tregtisë elektronike në Kinë dhe do të mbetet një njësi në pronësi të plotë të Alibaba Group.