Të paktën katër persona raportohet të jenë vrarë si pasojë e një sulmi me thikë në qendrën tregtare “Westfield” në Sydney.
Mediat ndërkombëtare raportojnë se agresori është qëlluar për vdekje nga policia.
Zona është evakuuar dhe në rrjetet sociale ka foto të ambulancave dhe automjeteve të policisë në vendngjarje.
Në pamjet e publikuara shfaqen po ashtu turma njerëzish teksa përpiqen të largohen nga ambientet e qendrës tregtare.
Në mesin e të plagosurve raportohet se është edhe një foshnjë. Autoritetet u kanë bërë thirrje njerëzve që të shmangin zonën e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
