Shpërthimi në shtëpinë e shefit të krimeve, babai: Ka ndodhur prej detyrës, nuk kemi konflikte

Pas shpërthimit me tritol në banesë, ka folur për mediat babai i Pëllumb Shpatit, shefit të krimeve në Shkodër.

Gjergj Shpati ka thënë se shpërthimi ka qenë i fuqishëm dhe se ka dëme të mëdha materiale. Sipas tij, kjo ngjarje ka ardhur për shkak të detyrës të së birit, pasi siç ai shprehet ata nuk kanë konflikte.

Ngjarja ka ndodhur në orën 4 të mëngjesit, kur ne ishim të gjithë në gjumë. Shpërthimi ka qenë i fuqishëm. Mendoj se ka ardhur për shkak të detyrës së djalit. Probleme me kënd nuk kemi pasur. I kërkoj shtetit që të bëjë detyrën dhe ta zbardh. Kemi qenë 17 vete brenda shtëpisë, 3 familje nga kati i parë në të tretin.