Prokuroria e Posaçme ka refuzuar kërkesën e këshilltarëve bashkiakë socialistë, që të lejojë kryebashkiakun e Tiranës Erion Veliaj, i cili ndodhet në burg, të marrë pjesë në mbledhjen e Këshillit Bashkiak ku do të diskutohet buxheti i vitit 2026.
Refuzimi konfirmohet nga burime të SPAK për MCN TV, pas kërkesës së 22 këshilltarëve socialistë, të cilët e cilësonin praninë e kryetarit si një të drejtë funksionale të garantuar me ligj, e nevojshme për prezantimin e drafteve, buxhetit apo raportimeve vjetore.
Kërkesa e këshilltarëve të majtë erdhi pasi në 3 nëntor, Gjykata Kushtetuese rrëzoi vendimin e shkarkimit të tij, duke rrëzuar dekretin e Presidentit Bajram Begaj për shpalljen e zgjedhjeve për bashkinë Tiranë.
Veliaj u arrestua më 10 shkurt, ndërkohë që akuzohet për korrupsion dhe pastrim parash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
