Së fundmi një peticion po qarkullon online, duke i kërkuar Apple të vendosë kufirin mes Kosovës dhe Serbisë në hartën e saj.
Linja që shenjon kufirin mes Kosovës dhe Serbisë në hartën e ‘Apple’ është e ndryshme nga ajo e kufijve të tjerë, duke e treguar Kosovën si pjesë të territorit serb.
Peticioni që kërkon vendosjen e Kosovës në hartë ka mbledhur rreth 11,000 firma që në ditën e parë. Këtë peticion e shpërndau edhe Dua Lipa në Instastoryn e saj duke treguar si gjithmonë që nuk i harron rrënjët e saj sado lart të fluturojë.
Madje për këtë veprim, Dua pati një përplasje me këngëtaren serbe Jelena Karleusa.
Çështja e Kosovës në hartë nuk është lënë me kaq nga këngëtarja shqiptare.
Në llogarinë e saj në Instagram, Dua ka ndarë në Instagram flamurin që u ngrit në mes të Beogradit në 14 tetor 2014, në ndeshjen mes Serbisë dhe Shqipërisë.
Krahas fotos, ajo ka shkruar edhe shpjegimin e fjalës “autokton”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
