Pasi arriti të rrëmbente në mënyrë spektakolare medaljen e artë në xhudo për Lojërat Olimpike Rio 2016, Majlinda Kelmendi duhej të përballej me një sfidë të fundit para se të kurorëzohej përfundimisht si kampione e denjë për titullin. Testet antidoping. Lajmi i mirë është që sportistja kosovare i kaloi testet me sukses.
Pas polemikave të ndezura nga disa media të huaja që transmetuan dhe lajmin se Kelmendi gjatë muajit qershor të këtij viti kishte refuzuar të kryente teste anti-doping në Francë presioni mbi testet e kryera në Rio u rrit së tepërmi për të gjithë sportdashësit. Edhe pse një supozim i tillë u hodh poshtë nga kreu i Federatës Kosovare të Xhudos, Agron Kuka, Kelmendi e vërtetoi zotësinë e saj duke kaluar testet me sukses.
Tashmë është zyrtare Majlinda Kelmendi është medalistja e parë kosovare për lojërat olimpike të shtetit më të ri në Europë dhe qytetarët e shumtë, që do ta presin sportisten gjatë rikthimit në Kosovë ditën e dielë, do të ndihen krenarë dyfish.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
