Weidel: T'i jepet fund politikës së sanksioneve ndaj Rusisë

<p>Alice Weidel, kandidatja për kancelare gjermane nga ekstremi i djathtë, Alternativa për Gjermaninë, akuzoi qeverinë për nxitje të tensioneve me Rusinë gjatë tre viteve të fundit me lëvizje të tilla si furnizimi me armë për Ukrainën, sipas Bild.</p> <p>"<em>Çfarë ka bërë qeveria gjermane në lidhje me Rusinë për tre vitet e fundit? Ne kemi intensifikuar spiralen e përshkallëzimit. Ne e kemi kundërshtuar Rusinë verbalisht, financiarisht dhe madje edhe me dërgesat e armëve</em>," tha ajo në një intervistë për gazetën.</p> <p>Sipas Weidel, dorëzimi i tankeve gjermane në Ukrainë, të cilat tani “po përdoren kundër Rusisë për herë të parë që nga Lufta e Dytë Botërore”, tregon se qeveria gjermane e ka harruar plotësisht historinë.</p> <p>Weidel bëri thirrje gjithashtu që bisedimet për zgjidhjen e konfliktit të Ukrainës të fillojnë me shpejtësi dhe kërkoi t'i jepet fund politikës së sanksioneve, e cila po gjymton ekonominë gjermane.</p> <p>Gjermania është furnizuesi i dytë më i madh i armëve në Ukrainë pas SHBA-së. Sipas zëdhënësit të qeverisë gjermane, Steffen Hebestreit, Gjermania ka dhënë 44 miliardë euro ndihmë të ndryshme për Ukrainën që nga fillimi i konfliktit. Në propozim-buxhetin e vitit 2025, Gjermania ndau 4 miliardë euro për mbështetjen, sa gjysma e shumës që shpenzoi këtë vit. Megjithatë, Bundestagu ende nuk ka marrë dritën jeshile për propozimin e buxhetit.</p>