Mbretëria e Bashkuar ka qënë nën masa të rrepta kufizuese për tre javët e fundit, duke shpresuar se këto masa do të sillnin një rënie të numrit të infektimeve me Covid-19.
Por pavarësisht këtyre masave kufizuese, numri i infektimeve me koronavirus nuk ka rënë aq shpejt sa ekspertët kanë parashikuar të ndodhte.
Viktimat po ashtu vazhdojnë të rriten, duke bërë që ekspertët e shëndetit publik dhe qeveria të paralajmërojnë njerëzit se vendi do të jetë në këtë betejë për një periudhë afatgjatë.
Varianti i ri, i njohur si B.1.1.7, ka bërë që numri i rasteve të reja në Mbretërinë e Bashkuar të rritet ndjeshëm, pavarësisht bllokimit kombëtar.
Ekspertët amerikanë të shëndetit publik po paralajmërojnë për një rritje të re të mundshme të rasteve me Covid-19 të shkaktuara nga variant i ri për herë të parë në Anglinë juglindore.
Qendrat e SHBA-së për Kontrollin dhe Parandalimin e Sëmundjeve kanë paralajmëruar se lloji i ri mund të bëhet varianti mbizotërues në Shtetet e Bashkuara deri në Mars.
Sipas Shëndetit Publik Angli, lloji i ri u shfaq për herë të parë në Shtator. Nga fundi i nëntorit, shkencëtarët filluan të ngrenë shqetësime mbi rritjen e numrit të infeksioneve në Kent në juglindje.
Nga dhjetori, epidemiologët kryesorë të vendit paralajmëruan se varianti i ri ishte duke i tejkaluar kufizimet. Kjo e detyroi autoritetet britanike për një bllokim shumë më të rreptë nga 5 janari ku njerëzit u udhëzuan të qëndronin në shtëpi, dhe gjithçka përveç dyqaneve thelbësore u mbyll, duke përfshirë shumicën e shkollave. Për shumë ekspertë, vendimi erdhi shumë vonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
