Naftëtarët i zë nata para kryeministrisë, vijon protesta

Vijon protesta e naftërave të Ballshit para Kryeministrisë.

Protestën e nisur paraditen e së enjtes ata e vijuan edhe përgjatë mbrëmjes ku përsëritën kërkesën e tyre për shlyerjen e 9 pagave të prapambetura.

Ndër të tjera naftëtarët e Ballshit bën thirrje për rihapjen e kombinatit si dhe përmirësimin e kontratave dhe kushteve të punës.

Protesta e naftëtarëve është mbështetur edhe nga shoqëria civile, kjo e fundit duke shfrytëzuar rrjetet sociale ka bërë thirrje për solidarizim.

Pritet që naftëtarët të qëndrojnë edhe përgjatë natës para Kryeministrisë, ndërsa shoqëria civile  ka kërkuar nga qytetarët që të asistojnë në ushqime dhe batanije.