Presidenti i SHBA-së Joe Biden pritet të zhvillojë së shpejti një vizitë në Europë, bëjnë me dije burime brenda ‘Shtëpisë së Bardhë’ për CNN. Sipas burimeve zyrtarët amerikanë kanë folur për një vizitë të Biden në Europë, ndërkohë që sulmi rus mbi Ukrainë po vijon.
Udhëtimi i Biden do të vinte pas vizitave të disa ndihmësve të lartë, duke përfshirë zëvendëspresidenten e SHBA Kamala Harris dhe Sekretarin e Shtetit të SHBA Antony Blinken.
Administrata Biden ndër të tjera po shqyrton edhe përshpejtimin e rivendosjes së refugjatëve ukrainas me lidhjet me SHBA, duke përfshirë edhe familjet që tashmë jetojnë aty, sipas një zyrtari amerikan, mes thirrjeve në rritje nga avokatët për të bërë më shumë për miliona njerëz që ikin nga Ukraina e shkatërruar nga lufta.
Biden dhe Zëvendës Presidentja e SHBA Kamala Harris janë zotuar vazhdimisht për të mirëpritur refugjatët ukrainas në SHBA, por realiteti për ata që përpiqen të rilidhen me familjen në SHBA është i ndryshëm duke pasur parasysh mënyrat e kufizuara që ukrainasit mund të vijnë legalisht në vend.
Gati 3 milionë njerëz tashmë janë larguar nga Ukraina në vendet fqinje, sipas agjencisë së Kombeve të Bashkuara për refugjatët. Ndërsa shumica e refugjatëve ukrainas ka të ngjarë të qëndrojnë në Evropë, ka nga ata që duan të vijnë në SHBA ku kanë familje. Opsionet për refugjatët ukrainas që kërkojnë të vijnë në SHBA janë të kufizuara.
Procesi i rivendosjes së refugjatëve në SHBA, për shembull, mund të marrë vite për t'u përfunduar, duke nxitur një shtysë nga avokatët për të përshpejtuar procesin për njerëzit që tashmë kanë të afërm në SHBA dhe mund të vendosen më lehtë aty ku ndodhen ata anëtarë të familjes.
Ndërkohë sot është regjistruar dita e 19 nga lufta në Ukrainë dhe situata nuk duket aspak e mirë. Rusia është afruar më tej në kufirin pranë NATO-s, ndërsa Kievi është bombarduar gjatë natës ku janë shkatërruar shumë banesa.
Presidenti ukrainas, Zelensky, i bëri thirrje NATO-s të mbyllë hapësirën ajrore, përndryshe raketat e Rusisë do të bien edhe në territorin e tyre.
Sot është zhvilluar takim online për raundin e 4 të negociatave mes Kievit dhe Moskës, ndërsa të dyja palët negociatore kanë shprehur optimizëm se mund të arrihet një gjë konkrete mes tyre. Takimi u zhvillua përmes një videokonference, ndërkohë që rinisin nesër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
