Ndërron jetë futbollisti Diego Armando Maradona. Një arrest kardio-respirator i mori jetën në moshën 60-vjeçare.
Maradona ka pësuar një arrest kardiorespirator sot në mëngjes me orën lokale të qytetit të Tigres.
Vetëm pak ditë më parë, Maradona kishte kryer një operacion për mpiksjen e gjakut në tru, ndërsa më herët ishte prekur edhe nga koronavirus. Gjatë kësaj kohe është raportuar për ambulanca që qëndrojnë gjatë në shtëpinë e tij.
Pas operacionit në tru, në shtëpinë e Maradonës ka patur edhe personel mjekësor për ta mbajtur në vëzhgim.
Golat më të bukur
Maradona e nisi karrierën si profesionist te Boca Juniors përpara se të transferohej në Europë te Barcelona, me të cilën fitoi edhe një Kupë Mbreti. Më pas ai u bë një hero te Napoli, klub me të cilën fitoi edhe kampionatin italian.
Pas Napolit Maradona u rikthye sërish në Spanjë, por këtë herë te Sevillia dhe mandej shkoi në vendlindje, ku edhe mbylli karrierën me ekipin e Boca Juniors.
Me Kombëtaren argjentinase Maradona fitoi një Botëror në vitin 1986 si kapiten. Kompeticion nga i cili më pas mori edhe pseudonimin ‘dora e zotit’ për shkak se në çerekfinale eliminoi me këtë pjesë trupi Anglinë.
Nga Fifa ai është shpallur lojtari i shekullit 20, ndërsa për shumë opisionistë dhe sportdashës ai është ndër më të mirët në botë. Madje ka nga ata të cilët e konsiderojnë atë si më të mirin që ka parë bota e futbollit.
Por jeta e Maradonës ka qenë me shumë ulje-ngritje përtej fushave të lojës. Ai vinte nga një lagje e varfër e argjentinës dhe problemet e shoqëruan gjatë gjithë kohës. Menjëherë sapo fitoi Botërorin e 1986 për Maradonën filluan të dilnin lajmët për një fëmijë, djalë, të jashtëligjshëm. Diçka të cilën ai e mohoi për 30 vite.
Si të mos mjaftonte kjo në 1991 ai u kap me drogë si përdorues dhe u dënua me 2 vite burg. Më parë fjalë të tilla ishin përhapur, por mesa u mësua ai u ruajt nga klubi i Napolit, që në teste dërgonte futbollistë të tjerë.
Ajo që theu raportin mes tij dhe Napolit ishte ai eliminim i Italisë në vitin 1990 kur Maradona eliminoi ‘axurrët’ nga Botërori. Prej atij momenti ai u shndërrua në njeriun më të urryer të Italisë përfshirë edhe Napolin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
