Një varr masiv me të paktën 65 trupa është zbuluar në jugperëndim të Libisë.
Lajmi raportohet nga Organizata Ndërkombëtare për Migracionin (IOM) në një shënim për shtyp, duke shpjeguar se “rrethanat e vdekjes dhe kombësia e tyre mbeten të panjohura, por besohet se ata vdiqën duke u transportuar në mënyrë klandestine nëpër shkretëtirë”.
Kjo tragjedi e fundit thekson nevojën urgjente për të adresuar sfidat e migrimit të parregullt, përmes një reagimi të koordinuar ndaj kontrabandës së migrantëve dhe trafikimit të qenieve njerëzore.
Pa shtigje të rregullta për migrim legal, këto tragjedi do të vazhdojnë.
Organizata raporton se autoritetet libiane po hetojnë këto vdekje.
Sipas Projektit të Migrantëve të Zhdukur, shton IOM, në vitin 2023 u regjistruan të paktën 3129 vdekje dhe zhdukje përgjatë rrugës mesdhetare, përjashtuar episodin e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
