Kina duhet të bindë pjesën tjetër të botës se nuk është një "agjent i destabilitetit" dhe do të veprojë në mënyrë paqësore në ngushticën e Tajvanit, tha ambasadori i SHBA në Kinë, Nicholas Burns në intervistën e tij të parë televizive që nga marrja e postit të tij në Pekin, gjashtë muaj më parë.
"Ne nuk besojmë se duhet të ketë një krizë në marrëdhëniet SHBA-Kinë lidhur me vizitën paqësore të Kryetares së Dhomës së Përfaqësuesve (Pelosi) në Tajvan. Ishte një krizë e prodhuar nga qeveria në Pekin. Ishte një reagim i tepruar”, tha Burns për CNN të pemten.
“Tani i takon qeverisë këtu në Pekin të bindë pjesën tjetër të botës se do të veprojë në mënyrë paqësore në të ardhmen”, shtoi ambasadori.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
