Nuk ka prodhuar fitues sfida mes Laçit dhe Vllaznisë, e vlefshme për javën e 22-të në Superiore, e cila u mbyll në barazim 1-1.
Një ndeshje e luftuar nga fillimi deri në fund nga të dyja skuadrat, që kërkuan fitoren.
Laçi kaloi në avantazh me Ujkën në minutën e 40-të, me anë të një penalltie.
Pikërisht ky 11-metërsh, shkaktoi polemika, me lojtarët e Vllaznisë që nuk ishin dakord me vendimin e arbitrit Eldorjan Hamitaj.
Pjesa e dytë nisi me gol, teksa ishte Alivoda, i cili i ndihmuar nga një devijim, shënoi dhe vendosi baraspeshën. Hamitaj akordoi një tjetër penallti për Laçin, por pas rishikimit në VAR, e anuloi.
Vllaznia në krahun tjetër, iu afrua golit të përmbysjes me Malën, por gjuajtja e këtij të fundit u ndal në shtyllë.
Me këtë barazim, Vllaznia mban vendin e tretë me 34 pikë, ndërsa Laçi renditet i gjashti me 27 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
