Grupi kriminal i inceneratorit, Lala: Kanë pastruar 20 milionë euro offshore

<p>Në studion e emisionit “Të Paekspozuarit”, gazetarja Klodhiana Lala u ndal te masat e sigurisë ndaj tetë personave, në kuadër të hetimeve të SPAK për inceneratorin e Tiranës.&nbsp;Lala tha se hetimet tregojnë se janë dërguar offshore rreth 20 milionë euro.</p> <p><em>Prokuroria ka firmosur masa ndaj disa personash, që prokuroria thotë se kanë ngritur grup kriminal dhe kanë pastruar 20 milionë euro.</em></p> <p><em>Deri tani janë marrë rreth 100 milionë euro, ndërkohë inceneratori nuk ekziston. Prokuroria thotë se Mirel Mërtiri dhe Klodian Zoto e drejtojnë grupin kriminal dhe përmes bashkëpunëtorëve të tij kanë pastruar para duke i çuar në offshore.</em></p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p><em>Ilir Dedja, është hetuar nga autoritetet e huaja. Ndodhet në Zvicër ku jeton bashkë me familjen. U bë i njohur kur shpërtheu skandali në Zimbabve, tentativë për inceneratorët atje. Dedja është garantor i qirasë së partneres së Ahmetaj në Zvicër.</em></p> <p><em>Personat e tjerë janë tre shtetas të huaj, njëri italian dhe dy te tjerët mbajtës të pasaportave holandeze.</em></p> <p><em>Është Marc Lapat, administrator i Geogenix dhe Michael Druijts, të dy me pasaporta holandeze. Është shpallur në kërkim Giuseppe Cafaglione, administrator i inceneratorit të Tiranës.</em></p> <p><em>Janë Denisa Tolkuçi, Dashamir Ymeraj dhe Endrit Habilaj, të shpallur në kërkim.</em></p> <p><em>Sipas prokurororisë, përmes kompanive të ndryshme kanë kaluar në offshore një shumë prej 20 milionë euro.</em></p> <p><em>Por kjo dosje, është thejsht për pastrimin e parave, jo për procedurat.</em></p> <p><em>Pra hetimi për zyrtarët e Bashkisë së Tiranës, apo zyrtarë të tjerë të lartë, janë duke vijuar. Nëse hyjmë te teknikalitetet, kompani të hetuara, janë zinxhirë kompanish.&nbsp;</em></p> <p>&nbsp;</p>