Jemi në 10 ditët e fundit larg festave të fundvitit dhe të shumtë janë tregtarët në qytetin e Elbasanit që shprehen se ky mund të jetë viti i fundit që ata kujdesen për rritjen e gjelave të detit sepse nuk kanë pasur shitje.
Ata shprehen se situata është tepër e vakët dhe nuk kanë shitje, ndërsa bëjnë me dije se shkon në 10 mijë lekë një kg, por duke parë një mosinteresim nga qytetarët për blerje i kemi shiotur dhe me 8 mijë lekë për kg.
Më tej ata shtojnë se ky çmim është shumë i lartë për qytetarët të cilët deklarojnë se nuk e përballojnë dot duke e bërë të pamundur të festojnë vitin e ri me gjelin e detit në tryezë.
Një qytetar ka deklaruar për mikrofoknin e MCN se ‘10 mijë lekë nuk janë shumë për tregtarin sepse janë kujdesur për ta rritur atë, por për mua janë shumë sepse nuk më dalin lekët për ilaçe. Populli është fukara, nuk kemi mundësi të festojmë me gjel deti”.
Ndërkohë edhe në Lezhë paraqitet pothuajse e njëjta situatë. Rritja e ushqimit për gjelat e detit është rritur dhe kjo ka sjellë dhe rritjen e çmimit e cila këtë vit shkon nga 9-11 mijë lekë për kg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
