Të paktën tre persona kanë vdekur në Rusi nga një zjarr që përfshiu një pjesë të një gazsjellësi të madh që furnizon Evropën me gaz rus.
“ Katër persona, sipas informacioneve paraprake, po punonin në vendngjarje. Fatkeqësisht, tre prej tyre vdiqën gjatë një djegieje të dhunshme të gazit. Një person, një shofer, mbijetoi dhe aktualisht është në gjendje shoku ”, tha për televizionin rus Oleg Nikolaev, kreu i rajonit rreth 600 km në lindje të Moskës.
Sipas agjencisë së lajmeve Ria Novosti, e cila citon Ministrinë rajonale të Emergjencave, shpërthimi, dhe zjarri që pasoi u shkaktuan nga një rrjedhje gazi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
