Rrugët e një qyteti në Spanjën lindore u “veshën” në të kuqe të mërkurën, ndërsa banorët i hodhën njëri-tjetrit domate të pjekura gjatë festivalit tradicional të Tomatinës.
Rreth 22.000 pjesëmarrës të veshur me rroba të bardha të lyera me tul domatesh, u përfshinë në aktivitetin që kulmon në Bunol, rreth 40 km në perëndim të Valencias, çdo vit në javën e fundit të gushtit.
Shtatë kamionë shpërndanë 150 ton domate të pjekura. Jorezidentët paguajnë një tarifë prej 15 eurosh, ndërsa vendasit e Bunolit e shijojnë festën falas.
“Ne i duam domatet! Kjo është arsyeja pse vendosëm të vinim dhe kaluam një kohë fantastike”, tha Taylor, e cila erdhi nga Australia, duke shtuar se ajo dhe miqtë e saj do të bënin disa spageti për t’i ngrënë me salcë.
Fillimi i përleshjes një orëshe u sinjalizua nga fishekzjarre.
Senam, nga Kenia, e përshkroi festën si të mrekullueshme, kreative dhe të mahnitshme.
Pasi përfunduan përleshjet, një ekip pastrimi i armatosur me tuba uji u dërgua për të hequr mbeturinat nga rrugët e qytetit, të cilat mbetën me shkëlqim falë aciditetit natyror të domateve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
