Ministri i Brendshëm i Frnacës Gérald Darmanin ka anuluar bisedimet me përfaqësuesen e Mbretërisë së Bashkuar Prit Patel, pasi kryeministri Boris Johnson bëri thirrje për zgjidhjen e çështjes së emigrantëve, pasi të paktën 27 migrantë u përmbytën të mërkurën, duke kaluar kanalin anglez nga Franca në Britani.
Darmain tha se Franca ishte e zhgënjyer nga plani. “Bërja publike e bëri atë edhe më keq”. Johnson përcaktoi pesë hapa në letrën e tij drejtuar presidentit francez Emmanuel Macron për të shmangur përsëritjen e tragjedisë së të mërkurës.
-Patrulla të përbashkëta për të parandaluar largimin e më shumë anijeve nga plazhet franceze
-duke vendosur teknologji më të avancuar, si sensorë dhe radar
-patrullimet reciproke detare në ujërat territoriale të njëri-tjetrit dhe mbikëqyrja ajrore
thellimi i punës së celulës së përbashkët të inteligjencës së vendeve
-punë e menjëhershme për një marrëveshje dypalëshe për kthimin me Francën, së bashku me bisedimet për të vendosur një marrëveshje kthimi MB-BE
"Një marrëveshje me Francën për të rikthyer emigrantët që kalojnë Kanalin përmes kësaj rruge të rrezikshme do të kishte një ndikim të menjëhershëm dhe domethënës," tha Johnson.
Sipas të dhënave të autoriteteve franceze, 31,500 persona kanë tentuar të kalojnë Kanalin drejt Britanisë prej fillimit të vitit dhe 7,800 persona janë shpëtuar në det.
Sipas autoriteteve britanike, më shumë se 25,000 persona kanë arritur ilegalisht këtë vit në Britani, shifër tri herë më e lartë sesa më 2020.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
