Zhvillimi i një qendre ciklonare sërish mbi brigjet e Italisë jugore do të diktojë kushtet e motit edhe në vendin tonë.
Për pasojë dita nis me kthjellime dhe vranësira të herë pas hershme, të cilat gjatë pasdites dhe kryesisht mbrëmjes zhvillohen duke sjellë reshje të pakta në jugperëndim të vendit. Edhe nata mbetet në të njëjtat kushte atmosferike.
Temperaturat e ajrit do të rriten lehtë në vlerat minimale por mbeten të pandryshuara në vlerat maksimale duke bërë që mëngjesi të shënojë 4°C në zonat malore ndërsa mesdita ngjitet deri në 23°C.
Sipas meteoalb, era do të fryjë e lehtë në tokë dhe mesatare në det me shpejtësi 40 km/h nga drejtimi Jugor duke sjell në brigjet detare dallgëzim 3 ballë.
Europa
Zhvillimi i një qendre ciklonare në qendre të kontinentit do të diktojë vranësira dhe reshje shiu në vendet e Europës qendrore dhe vendet e ulëta.
Po ashtu Veriu dhe lindja e Europës janë përfshirë nga stuhi ere dhe reshje dëbore. Ndërsa kthjellimet dominojnë Europën Juglindore dhe gjithë Rajonin e Mesdheut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
