Policia rumune ka zbuluar mijëra ton nitrat amoni të ruajtura ilegalisht dhe në vende të pasigurta në të gjithë territorin.
Sasia e lëndës eksplozive ishte 8,500 ton, tre herë më shumë sesa sasia që shkaktoi shpërthimin tragjik në Bejrut.
Në një deklaratë, forcat policore u shprehën se kanë kryer rreth 51 kontrolle brenda tri ditëve dhe se kanë nisur ndjekjen penale ndaj kompanive të dyshuara për neglizhencë dhe keqmenaxhim.
Në portin e Detit të Zi të Agigeas, oficerët gjetën një depo të paligjshme që mbante 5,000 ton nitrat amoni, ndërsa portet e Brăilas dhe Galaţit mbanin respektivisht 30 dhe 35 ton.
Rumania është një ndër importuesit kryesor të nitratit të amonit, i cili kur përzihet me lëndë të tjera shërben si fertilizues në bujqësi.
Përbërja kimike duhet të ruhet në kushte të duhura dhe të sigurta e larg nga rrezet direkte të diellit.
Kushti kryesor është të mos ruhet afër zonave të banueshme për shkak të rrezikshmërisë që ka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
