Prezenca e OSBE-së në Shqipëri, ka reaguar përkitazi me ngjarjen në Elbasan, ku mbeti i vrarë Pjerin Xhuvani. Në një reagim zyrtar, OSBE është shprehur se fushata zgjedhore nuk duhet që të njolloset me gjak e dhunë, ndërsa u ka bërë thirrje autoritetev që të hetojnë krimin e ndodhur.
OSBE thekson se pret nga policia e institucionet gjyqësore të hetojnë plotësisht dhe ta ndjekin penalisht këtë krim të shëmtuar.
DEKLARATË E PREZENCËS SË OSBE-SË NË SHQIPËRI
Prezenca e OSBE-së në Shqipëri vërejti me shqetësim incidentin e dhunshëm, që çoi në humbjen e jetës në Elbasan. Mendimet tona janë, së pari, për familjen e viktimës. Ne besojmë, fuqimisht, që fushata zgjedhore dhe përgatitjet e zgjedhjeve janë një mundësi demokratike e jashtëzakonshme, e cila nuk mund të njolloset me gjak dhe dhunë. Presim që policia dhe institucionet gjyqësore të Shqipërisë ta hetojnë plotësisht dhe ta ndjekin penalisht këtë krim të shëmtuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
