Policia në Venecia po heton burimin e lëngut të gjelbër fluoreshent që u shfaq të dielën në Kanalin e Madh të qytetit.
Ka të ngjarë të jetë shkaktuar nga protestuesit e klimës, të cilët një javë më parë derdhën lëng të zi në shatërvanin Trevi në Romë. Ngjyra u pikas fillimisht nga banorët dhe shumë shpejt u bë një atraksion turistik.
“Këtë mëngjes një copë lëngu jeshil fosforeshent u shfaq në Kanalin e Madh të Venecias, raportuar nga disa banorë pranë urës së Rialtos. Prefekti ka thirrur një takim urgjent me policinë për të hetuar origjinën e lëngut”, shkroi presidenti rajonal i Veneto, Luca Zaia në Twitter.
Njolla e gjelbër u vu re fillimisht rreth orës 9:30 të mëngjesit CET (3.30 aET) dhe u rrit ngadalë, sipas imazheve të shumta të postuara në mediat sociale, të cilat tregonin gondolat, taksitë e ujit dhe varkat e autobusëve të ujit duke kaluar nëpër substancën smerald.
Këshilltari i qytetit Andrea Pegoraro fajësoi menjëherë aktivistët mjedisorë që kanë sulmuar vendet e trashëgimisë kulturore italiane muajt e fundit.
Grupi Ultima Generazione, i cili derdhi qymyr në shatërvanin Trevi në Romë fundjavën e kaluar, i tha CNN kur u pyet nëse ishin pas ujit të gjelbër se "Nuk ishim ne".
Teori të ndryshme u shfaqën në internet, duke përfshirë se mund të jetë alga ose një substancë e shpërndarë ilegalisht në kanal. Kjo nuk është hera e parë që Kanali i Madh i Venecias ka pësuar një ndryshim ngjyrash.
Në vitin 1968, artisti argjentinas Nicolás García Uriburu ngjyrosi ujërat e kanalit të gjelbër me një ngjyrë fluoreshente të quajtur Fluorescein, gjatë Bienales vjetore të Venecias.
Lëvizja u krijua për të tërhequr vëmendjen ndaj çështjeve ekologjike dhe marrëdhënieve midis natyrës dhe qytetërimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
