Drejtori i Përgjithshëm i Policisë së Shtetit, Haki Çako në një dalje pasi foli për shkarkimet në policinë e Elbasanit dhe ristrukturimit e këtij institucioni, iu përgjigj interesit të medias për sekuestrimin e madh të drogës të ndodhur mbrëmjen e djeshme në Babicë të Vlorës.
Çako zbuloi se ky operacion vijon ende dhe se është bërë në bashkëpunim me prokurorinë dhe partnerët ndërkombëtarë.
“Hetimi për grupin Habilaj po zhvillohet në bashkëpunim me prokurorinë dhe partnerët ndërkombëtarë.
Aksioni vijon ende dhe së shpejti do kemi një komunikim të detajuar.
Komunikimi do bëhet nga një zyrtar tjetër i lartë pak më vonë”, tha Çako.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
