Një fotomontazh i Donald Trump i veshur si Papë u postua në llogaritë e mediave sociale të Shtëpisë së Bardhë disa ditë para fillimit të Konklavës, e caktuar për në datën 7 maj, e cila do të emërojë pasardhësin e Papa Françeskut, i cili vdiq më 21 prill.
I njëjti imazh u nda edhe nga Presidenti i SHBA-së në llogarinë e tij Truth.
Në imazhin e krijuar me ndihmën e inteligjencës artificiale, Trump-i shfaqet i ulur solemnisht në një kolltuk, i veshur me rrobën e bardhë të Papës, me mitrën në kokë dhe kryqin madhështor të artë rreth qafës.
Presidenti amerikan ka bërë shaka disa herë kohët e fundit se të qenit vetë Papa i ardhshëm do të ishte zgjedhja e tij e parë.
"Mendoj se do të isha një papë i shkëlqyer. Askush nuk mund ta bënte më mirë se unë", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
