Kreu i PD-së, Lulzim Basha, mblodhi sot krerët e degëve të rretheve në lidhje me zhvillimet që pasojnë marrëveshjen e djeshme me kryeministrin Rama. Mësohet se Basha u ka kërkuar drejtuesve të rretheve që të propozojnë deri të dielën emrat e ministrave dhe drejtorëve teknikë.
Kreu i partisë u ka kërkuar demokratëve të rretheve mobilizimin e strukturave për fushatën elektorale si dhe propozimet për listat e kandidatëve për deputetë.
Takimi ka përfunduar në mesditë, ndërsa menjëherë pas tij, Basha ka thirrur aleatët. Vendimi për të hyrë në zgjedhje e rritur vrullshëm aktivitetin politik të opozitës, e cila brenda të hënës duhet të propozojë emrat për zv.kryeministrin, 6 ministrat teknikë dhe disa drejtorë institucionesh. Ndërkohë, javën e ardhshme pritet edhe formalizimi i listave të kandidatëve për deputetë. Në listat e saj, PD-ja mësohet se do të përfshijë edhe disa prej krerëve të partive aleate.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
